THIRIKARI; MUGUNDA WA NJIRU NIWA KIRIMA
Written by Kayu Digital Team on November 21, 2023
- NAIROBI & ENVIRONS 91.0 | MT KENYA REGION 91.1FM
Thirikari ndihaririirie ona hanini kuingirira ndugamano igimanie na mugunda wa Njiru na uria ukoretwo rungu rwa githagathago kia nuu mwene guo gatagati ka aria makite na bamiri ya Muteti mutigairi Gerishon Kirima.
Akiria umuthi minister wa migunda, waki na manyumba Alice Wahome augite thirikari itacukitie ikinya riri thutha wa gukuruna mugunda uyu ni wa bamiri ino ya Kirima, riu akiuria aria makite mugunda-ini uyu kuoya makinya na kwaraniria na bamiri ya mutigairi niguo kugia na uiguano kuuna.
Ikinya riri ria thirikari ria gwithamba moko wikuruhania wao hari mugunda uyu, riu ritigite aria mari thiini waguo na aria mahetwo nutithi ya nginyagia tareki 31 mweri uguka gukorwo mathamite mugunda-ini uyu wa Acre 1,000 mari tha-ini cia bamiri ino ya Kirima kana igoti, kuona nimarikitie gucokia cira uyu riko.
