MAUMIRIRA MA IGERANIO CIA KCPE GUTANYWO KUREKERERIO

Arutwo othe aria maraikariire kigeranio kia mwaka uyu gia KCPE nimekwamukira maumirira ma igeranio ciao ihinda oro riothe kuuma muthenya wa ruciu.

Minister wa githomo Ezekiel Machogu niwe uhithuritie maya, kuria ningi augite gutiri giko ona kimwe kia uhenania wa igeranio ici kirakorirwo gikinyitikana igeranio-ini cia mwaka uyu, oro tiga ugeria wa kuiya na uria augite ndunakorwo ugikinyanira kumana na mitaratara iria augite irahagikitwo ni thirikari ya kuhitana na ciiko ici.

Gukiri uguo Machogu na uria uhithuritie mihang’o ya kurora kigeranio giki ni irikiriire niaugite hari arutwo mirioni 1,425,315 aria maraikariire kigearnio kia mwaka uyu na kiria kirari kia muthia na kuhinga mutaratara wa mathomo wa 8-4-4 bururi-ini thutha wa ihinda ria miaka 38, no ciiko ithathatu irakorirwop iri cia ugeria wa uici wa igeranio, onacio akiuga itiakinyaniire, akiuga urekereria w aigeranio ici mbere ya mweri wa dithemba utanyitwo guteithia aciari kwihariria wega hari mathomo ma thekondari kuri ciana ciao.