Gikundi kiria kiendikithitie gubunjwo gwa kaunti ya Meru nikiambikite mihang’o ya kurogota irore 160,000

Thuutha wa gukorwo na githagathago kia wathani County-ini ya Meru Kuria ngabana na MCAs matakoretwo makionana ruheni na gucungiriria ngabana Kawira kuhagurwo maita meeri ni bunge ya County ino no akahonokio ni Bunge ya Senate, riu gikundi kimwe County-ini ino nikirendikithia thirikari ya County ino ikorwo igibunjwo kuona ngayukano iria ikoretwo kuo niicungiririe muingi County-ini ino kwaga kwamukira tabarira cia uthii wana mbere. Gikuundi giki nikiambikiite mihango ya kurogota irore 160k.
Gikundi giki na kiria kiranyitwo mbaru ni muingi wa County ino kiugiite gubunjwo gwa thirikari ya County ino nigukuhe kaanya aikia kura a Meru guthuura atongoria angi angikorwo riendikithia riri nirigukorwo rigikinyanira.