DP GACHAGUA KUNG’ETHERA MANGABANA IGURU RIA KIGINA KIA EL NINO

Riri namba ya ikuu iria ciumanite na mbura ya muniko bururi-ini ikinyite andu 71 na angi makiria ma ngiri 150 gutigwo matari na wuikaro thutha wao nyumba ciao guthererio ni maai, njorotano gatagati ga thirikari nene na iria cia kaunti igiru ria kigina gia guthairira aria mahutitio ni mbura niyambiririe.

Akiria aumuthi kaunti-ini ya Mombasa, Munini wa president Rigathi Gachagua na uria niwe wari muikariri giti wa kamitii ya guthingicura mogwati ma mbura ya El Nino, niokiriire thirikari ya kaunti ya Mombasa kugerera ngabana Abdullswamad Nasiir iguru ria miario yake wikendi hetuku ati ndamukirite ona ndururu kuuma kuri thirikari nene guteithia aria mahutitio ni muniko wa maai kaunti-ini, munini wa president akiuga ino ni miario ya maheni, kuona kurinagana nake nimarikitie kurekereria cviringi birioni 10 kuri kaunti kuhitana na hathara ya mbura ino.

Miario ino ya munini ya president yukite thiku ithatu tu, thutha wa ngabana Nassir wa Mombasa gukinyiriria kigina kiria akoretwo akihuthira hari guteithia muingi ni kiria gia kaunti hamwe na ateithia a wendi mwega, akiuga ta thirikari ya kaunti gutiri ndururu ona imwe mamukirite guteithiriria aria mahutitio ni mbura kaunti-ini ya ino, miario yake riu ikiaruka ndereti ya njorotano gatagati ga thirikari nene cia kaunti, iguru ria kana kwina kigina gia guteithia aria mahutitio ni mbura kana aca.