“Waremwo ni wira ndukandue megiririo”, Uhuru Kwira President Ruto

Thuutha wa kwaga muingi-ini kwa ihinda iraya President muhuruku Wira Uhuru Kenyatta riu niaumiriite muingi-ini na kuria arekinyiitie igongona-ini ria mitha kanitha-ini umwe mwena wa ikamba-ini. Uhuru niaroire kanya kau guukirira thirikari ya Kenya Kwanza ni undu wa kumutua megiririo ma mahitia mothe mahanika thiini wa thirikari. Akauga we niatungatiire bururi nginyagia itiina riake rigithira na kwoguo hatiri bata wa thirikari ya Kenya Kwanza gutinda ikimukuruhania na mahitia matari make,

Ihinda-ini o riu Uhuru nioriitie atongoria gukorwo muhari-ini wa mbere hari kunyitithania akenya na kunina uteti wa gi-kabila na uteti wa kugayukania muingi na mithingi ya itonga kana athini. Oho akathingata muingi ndukae kuhurithanio ni ateti.

Miario ino ya Uhuru yukiite thuutha wa atongoria thirikari-ini ya Kenya Kwanza matongoretio ni President Ruto na munini wake gukorwo makiuga mathiina maria bururi ukoretwo ukigerera maumaniite na mathiina maria moombirwo ni thirikari ya na hau kabere rungu rwa President Uhuru.