Muingi unyitaniri na ikundi itari cia githirikari Meru niwarukite mutaratara wa kuhura irore ciaguo hari riendikithia ria kubunjwo gwa thirikari ya kaunti ino na riri ngabana Kawira Mwangaza aranyita mbaru
Written by Kayu Digital Team on November 20, 2023
- NAIROBI & ENVIRONS 91.0 | MT KENYA REGION 91.1FM
Mihang’o ya gukobobania uheani wa motungata hari thirikari ya kaunti ya Meru kugerera kubunjwo kwao niyarukirwo umuthi kugerera urogoti wa irore cia muingi kaunti ino.
Mihang’o ino na iria yarukwo ni muingi unyitaniri na ikundi itari cia thirikari, ikinyanirio nikiria muingi ugite ni kunoga iguru ria mbara itathira gatagati ka ngabana wa kaunti ino Kawira Mwangza na MCAs, riu makiua ni nimanogete ni haranio kuria marenda kaunti ino ibunjwo na kuheana mweke mweru kuri oo kwaruka mutaratara wa guthura ngabana hamwe na MCAs a bunge ya kaunti ino.
Kuringa na aria mahurire irore ciao umuthi, rungu rwa MCA wa Kiagu, Simon Kiambi na uria ni murumiriri woma wa ngabana Kawira Mwangaza na uria onake uranyita mbaru mutaratara uyu, niati nimanogete ni mbara cia utongoria kaunti-ini ino, riu makiuria muingi unyitirire riendikithia riri niguo kuheana mweke mweru wa guthondekania thirikari ya kaunti ino ya Meru.
Kuuma thirikari cia matura ciambiririo bururi-ini mwaka-ini wa 2013, no kaunti imwe yanaruta mukana wa kugera gacira gaka ari ni iria ya Makueni, no igicoka gugatiganiria kugerera ngabana wao hindi iyo ari ni Kibutha Kibwana na uria wari urugariri-ini wa kuhaguranio ni MCAs kaunti-ini ino, no magicoka kuiguana na uguo gacira gaka gagocoka gukirimanio kuuna.
