KIGINA GIA AKENYA KUUMA NA NJA WA BURURI KWANDUKA
Written by Kayu Digital Team on November 20, 2023
- NAIROBI & ENVIRONS 91.0 | MT KENYA REGION 91.1FM
Akenya aria mathukumaga na nja wa bururi no mathiite na mbere na kunyitirira bamiri ciao na njira nene kugerera gukunjura kigina kinene kuri bamiri ciao, riboti cia bengi nene mweri muhetuku ikionania kigina giki kirandukire na gichunji kia 6.9 hari igana ukiringithania na mweri wa kenda mwaka-ini oro uyu.
Hari riboti ya bengi nene, CBK ikionania kigina giki kia mweri muhetuku kirari birioni 54.2 ari ni Dollar mirioni 355.6 ukiringithania na Dollar mirioni 332 na iria ciakunjuritwo mweri wa kenda-ini mwaka-ini oro uyu.
Makiria ma uu, hari riboti ya mieri 12, ari ni kuuma mweri wa ikumi mwaka muhetuku nginyagia mweri wa ikumi mwaka-ini uyu, ikionania kigina giki no kirandukire na gukinyithia birioni 634.9 ukiringithania na ciringi birioni 609.1 mwaka muhetuku wa 2022 ihinda-ini oro ta riu.
