DCI- NO TURATUIRANIA NA ARIA MANYITIRE MIGWATE MUTEITHIRIRIA WA SAKAJA
Written by Kayu Digital Team on November 20, 2023
- NAIROBI & ENVIRONS 91.0 | MT KENYA REGION 91.1FM
Uthuthuria wa gucarania na muteithiriria wa ngabana wa Nairobi Johnson Sakaja na uria nahau kabere wari MCA wa South C Osman Khalif no urathii nambere.
Kuringana na munene wa ruhonge rwa uthuthuria wa wikinai, DCI Mohamed Amin na uria ukurugamiriirwo igoti-ini umuthi ni munene wa ruhonge ruru Nairobi Peter Njeru niati mihang’o ino nimakoretwo makimitwarithia niguo kurigicura kiriga gia kuria abithaa uyu ari, akimenyithia igoti umuthi ati utuiria wa gutuirania na aria mamunyitire umanite na gukorwo ati hari erikaniire nia anyitiirwo migwate hatiari na camera cia thiri kana CCTV cia kuonania giko giki.
Njeru egwikinyitie igoti mbere ya mucirithania Chacha Mwita niguo gutariria kuri abithaa uyu, thutha wa ruhonge rwa borithi kuheo thamanji gwika uguo kiumia kihetuku, riu aya magiathwo gucoka igoti tareki 27 mweri-ini oro gutariria haria uthuthurai ukinyite, Osman na uria ni muteithiriria wa Ngabana Sakaja nginmyagia riu akirigithia kuria ari thutha wa kwirikana ati anyitiirwo migwate ni andu atano nja wa kirabu kimwe itura-ini ria Westland Nairobi.
