CS Chirchir wa mahinya na murunawe wa kigina Njuguna Ndung’u nimagiriirwo nigutiga wira na oho mathitangwo iguru rigii ungumania wa kigina kia muingi gia thuguri ya maguta ma birioni 17 kugerera mwonjoria kiumbe Ann Njeri Njoroge – Raila Odinga kuuga

Njikanirio ya miario gatagati ga thirikari na mung’ethaniro igiru rigie ngirimitri cia thirikari ya Kenya ya iria cia UAE na Saudi Arabia ikiingira kiumia gia keri umuthi, mung’ethaniro ni ukinyiriri thuguri ino iyuriirwo ni ungumania wa kigina kia muingi.

Hari ndumiriri yake umuthi, mutongoria wa Mung’ehaniro Rail Odinga niarukite ritana ringi kuri thirikari, ari ni riria ria kuria minister Davis Chirchir wa mahinya na murunawe wa kigina Njuguna Ndung’u matigithio wira na oho mathitangwo iguru rigie ungumania wa kigina kia muingi gia thuguri ya maguta ma birioni 17 kugerera mwonjoria kiumbe Ann Njeri Njoroge na uria augite ahuthikire thuguri ino niguo kuhothia mbeca cia muingi kuborwo nikiria augite ni maabithaa a thirikari.

Makiria ma uu, Odinga niakinyiririe ngirimiti cia thuguri ya maguta maya cianikwo king’ang’a-ini, akiuria itumi iria ciacungiririe kambuni kiumbe kuhuthika ngirimiti-ini ici cia maguta onathengia wa gukorwo ciari gatagati ga thirikari ya Kenya na iria cia UAE na Saudia Arabia, undu augite uri na ciuria kihiri, riu akiuria kamitii ya kurua na ungumania EACC kwaruka uthuthuria wa mihuthirire miuru ya kigina kia muingi kugerera kiria augite ni andu anene thirikari-ini.