Andu 3 nimoragitwo ni njangiri iria ikoretwo ikiiya mahiu mwena wa Baringo ya Muhuro

Andu atatu County-ini ya Baringo mwena wa Baringo ya Muhuro nimoragiitwo ni jangiri iria cirekuirwo ngukorwo nari aici a mahiu aria makoretwo mathagathagiitie thayu wa aikari mwena uyu . Kwirikaniite atatu aya marahithukiirwo ni jangiri ici riria marariithagia na kuhurwo rithathi, maobithaa a ugitiri makihuthira hakuhi muthenya mugima kuhithukia miiri ya ariithia aya.
Kuumana na giiko giki riu atongoria a mwena uyu nimokiriire maobithaa a ugitiri honge-ini itiganiite ni undu wa kiria maugiite maobithaa aya nimakoretwo makiigucia kugacirithia ugitiri mwena uyu.