THIRIKARI GUIKURUKIA MARIHI MA KUHURA THIMU BURURI-INI
Written by Kayu Digital Team on November 18, 2023
- NAIROBI & ENVIRONS 91.0 | MT KENYA REGION 91.1FM
Akenya nimatanyitwo kuhumurwo hari morungata ma marihi ma kuhura thimu bururi-ini mwaka uguka, uu ari thutha wa marihi ma kuhura thimu guikurukio ni thirikari.
Kuringana na ndumiriri iria ikunjuritwo ni ruhonge rwa ukinyaniria bururi-ini, CA niati ma kuhura thimu oro dagika meguikuruka kuuma thendi 0.58 nginyagia thendi 0.41, mutaratara uria akenya matanyitwo gukenerera kuuma tareki 1 mweri wa gatatu mwaka uguka wa 2024.
CA yugite marihi maya magaruritwo na thi kumana na muritu ma muturire maria mari bururi-ini, ikiuga ndumiriri-ini yao ati marihi maya meguikara kwa ihinda ria miaka 2 iguka, kambuni cia thimu bururi-ini igiathwo ni ruhonge ruru guthingatana na watho uyu mweru na oho itigirire nicianeana riboti ya uthingatithia wa watho uyu mweri wa 2 mwaka uguka, mbere ya kwaruka marihi maya meru ma kuhura thimu bururi-ini.
