MURUTWO GUKUA THUTHA WA GUTHECHWO KAHIU KIRINYAGA
Written by Kayu Digital Team on November 18, 2023
- NAIROBI & ENVIRONS 91.0 | MT KENYA REGION 91.1FM
Maabithaa a borithi kuuma tauni-ini ya Kutus, Kirinyaga nimambiririe uthuthuria wa kurigicura gikuu kia murutwo umwe na uria wirikanite arakuire kumana na guthechwo kahiu ga kiero ni andu matoikaine.
Gideon Kiplagat wa miaka 24 na uria ni murutwo wa mwaka wa kana thukuru-ini ya Kirinyaga University erikanite araguire mari na aruna ake eri, na thutha wa guteng’erio thibitari aracoka gukua, kuria arari na nguraro iraumaga thakame kiero-ini giake.
Kumana na uu, kamanda wa borithi wa Mwea ya Irathiro James Mutua augite giko giki kiria kirahanikire mathaa-ini ma thaa igiri hwai-ini wa ira, agikinyiriria nimambiririe uthuthuria wa kurigicura ngero ino, mwiri wa mutigairi ugitanywo gutabanirio uthuthuria niguo kumenya kiria kiracungiririe gikuu giake.
Murutwo umwe wa mwaka wa kana wa thukuru wa University wa Kirinyaga nì oragìtwo na njìra ya gùthecwo na kahiù mwena wa Kutus kaunti ya Kirinyaga.
