JOSEPH BOAKAI KUHOTANA ITHURANO CIA UPRESIDENT LIBERIA

Joseph Boakai na uria ni mutongoria wa mung’ethaniro bururi-ini wa Liberia niahotete ithurano nene cia bururi uyu hari giturua kia Upresident.

Boakai wa ukuru wa miaka 78 na uria gatagati-ini ka mwaka wa 2006 nginyagia 2018 wari munini wa presdent rungu rwa president Ellen Johnson Sirleef ayukitie uhotani wa githurano kia njoko kia upresident bururi-ini uyu na kura gicunji kia 50.89 na uguo kuiga thi president wa ihinda riri George Weah na uria urahitanagira mweke uyu ikereka-ini ria keri.

Eri aya makoretwo making’ethanira maita mana, kuria mwaka-ini wa 2018, mathire ithurano-ini mithiururuko iri thutha wa George Weah kuaga gukinyithia gichinji kia 50 hari igana ikera-ini ria mbere, undu uria urahanikire ona ithurano cia mwaka uyu, kuria President wa ihinda riri Weah arahotete ikereka ria mbere, no araga gukinyithia gichunji kia 50 hari igana, na gucungiriria ithurano cia njoko na iria arikitie kuigwo thi ni Boakai.

Kumana na uhotani uyu, President Weah na uria miaka ya gatene wari muthaki uri gatu wa mubira wa maguru Liberia niarikitie guitikira matua ma muingi wa bururi uyu, kuria kugerera Radio ya bururi uyu augite niaraniriire na mung’ethaniri wake Boakai na kumutumira ndumiriri ya wendi mwega utongoria-ini wake.