GUTIRI MWIHOKO MIARIO-INI YA UIGUANO, KIONI KUHITHURIA
Written by Kayu Digital Team on November 18, 2023
- NAIROBI & ENVIRONS 91.0 | MT KENYA REGION 91.1FM
“Angikorwo uri umwe wa akenya aria makoretwo na matanya ma kugaruruka kwa maundu kumana na miario ya uiguano wa bururi, coka mbara nginyo na wicuranie keri kuona gutiri undu ugukorwo ukigaruruka kuuna”
Mukana uyu kuri akenya ukunjuritwo ni mwandiki munene wa kiama kia Jubilee Jeremiah Kioni na uria ugite thirikari ya Kenya Kwanza rungu rwa President Ruto gutiri undu ikoretwo ihaririirie kugarurira hari maundu ma kuhitana na thogora wa muturire, na uguo kuria akenya makiririe nginyagia mwaka wa 2027 niguo gukunjura maruru mao kuri thirikari kugerera ithurano, akiuga miario iria ikoretwo gatagati kao ta Azimio na Thirikari ndiri umuthio irirehe kuri akenya kuona kuringana aria mari thiini wao mwena wa thirikari gutiri undu marenda ugarurirwo.
Miario ino ya Kioni yukite riri atongoria a Azimio mari muhari-ini wa mbere kung’ethera munini wa president Rigathi Gachagua hamwe na mubunge wa Kiharu Ndindi Nyoro na aria makoretwo makinyiririe gutiri umuithio wari wonekane miario-ini ino, riu Kioni na uria ni mumemba wa kamitii ndeithiriria ya miario ino ya uiguano kamitii-ini ya amemba 10 akionekana kunyitirira murugamo wa eri aya.
