PRESIDENT RUTO KUNG’ETHANIRA NA ODINGA IGURU RIA NGIRIMITI CIA MAGUTA
Written by Kayu Digital Team on November 17, 2023
- NAIROBI & ENVIRONS 91.0 | MT KENYA REGION 91.1FM
Riri thirikari ikoretwo igitungio ung’etheri na makiria hari ngirimiti ciao cia thuguri ya maguta kugerera thirikari cia UAE na Saudi Arabia, president William Ruto nieyumiritie na gutetera ngirimiti ici akiuga ni ihotete guteithia ciringi ya Kenya guthinikana makiria moko-ini ma Dollar.
Akiria umuthi thutha wa kuhinga kigomano kia maabithaa anene a thirikari, guku Nairobi, president oro ho niakinyiriria ngirimiti ici ciari na utheri, na uguo kuagithia kiene ung’etheri wa ngirimiti ici kuuma kuri mung’ethaniro, akiuga aria maracania na mianya ya kuorota thirikari hari kumikuruhania na ungumania nimegwetera kuona kuringana nake ngirimiti ici ciothe itiri na maroro oro mothe ma ungumania.
Maya mokite riri mutongoria wa Azimio Raila Odinga athiite nambere na gukinyiriria ati ngirimiti ici cia maguta gatagati ga thirikari ici ithatu ari ni Kenya na iria cia UAE na Saudi Arabia ciagiriirwo gukanjwo kuona kuringana nake ciuriirwo ni ungumania na uria augite uratwarithio nambere ni maabithaa anene a thirikari kugerera ruhonge rwa kuramata mathogora ma maguta niruo EPRA.
