ODINGA GUKINYIRIRIA NGIRIMITI CIA MAGUTA IKANJWO
Written by Kayu Digital Team on November 17, 2023
- NAIROBI & ENVIRONS 91.0 | MT KENYA REGION 91.1FM
Mutongoria wa Azimio Raila Odinga niathiite nambere na gukinyiriria ritana riake ria kuagithia kiene ngirimiti cia thirikari ya Kenya na mabururi ma Saudi Arabia na UAE hari thuguri ya maguta, akiuga ciyuriirwo ni uhenania na ukora.
Akiria thutha wa kugia na giikaro na abunge a kiama kia ODM, Odinga niaugite ngirimiti ici no nginyagia ikanjwo, akiuga maabithaa anene a ruhonge rwa kuramata maguta bururi, EPRA nio makoretwo makiariria mathogora ma maguta na kambuni iria irarehe maguta bururi-ini handu-ini ha thirikari na thutha gucoka guka bururi-ini na kugathika mathogora mao, njira iria augite iyuriirwo ni ungumania kuuma kuri thirikari, na uguo kuria mutaratara uyu wothe ukanjwo akiuga nduri na uguni hari muingi.
Ritana riri ria Odinga riukite riri thirikari yambiririe kuorota Odinga na mithingi ya gukorwo ari munyiti itemi thekita-ini ya maguta, ikiuga ici nicio itumi imwe iria iracungiriri aregane na mutaratara uyu.
