NAIROBI NA MARSABIT GUTHUKA MAWIRA KURI NDURIRI NGINYINGI BURURI-INI- NCIC
Written by Kayu Digital Team on November 17, 2023
- NAIROBI & ENVIRONS 91.0 | MT KENYA REGION 91.1FM
Thirikari cia kaunti ni ithingatitwo ciikire makiria hari ukuruhania wa nduriri nini hari motungata wa wira wa muingi thirikari-ini ici.
Hari riboti iria ikunjuritwo ni kamitii ya uiguano wa kibururi, NCIS, kaunti cia Marsibit na Nairobi ni ikuranitwo tacio kaunti iria iri itemi ria muanya ria gukuruhania nduriri itiganite wira-ini wa muingi, munini wa muikariri giti wa kamitii ya NCIC Wambui Nyutu, akiuria kaunti kuhe ndiriri nini na iria iri kaunti-ini mieke ya mawira niguo gwithemana na guthutukania nduriri ici mawira-ini ma muingi, kaunti ya Nyandarua hari riboti ikihiriria hari wandikani uyu kuona gicunji kia 98 hari aria mandikitwo mawira, maumitite ruriri rwa gikuyu, Wambui akiuria kaunti ciothe gutigirira gicunji kia 30 kia mawira nigiathukirwo nduriri iria nini kaunti-ini.
Maya mokite riri karani wa thirikari ya kaunti ya Nairobi Patrick Analo agathiririe riboti ino na iria iigite kaunti ino gacumbiri ka uhimbiriri wa nduriri itiganite mawira-ini ma muingi, Analo akiuga makinya maya makoretwo makihimbiririo niguo gukuruhania muingi na makiria kuuma nduriri itiganite mawira-ini ma thirikari ya Nairobi, mworoto akiuga nigutigirira nduriri ciothe mucii-ini wa Nairobi nicia mweke wa utungata thirikari-ini.
Hari bundi cia wandikani, bundi ya kaunti ya Naikuru ni imwe ya iria ikuranitwo hari ukuruhania wa nduriri itiganite wira-ini wa kaunti, muikariri giti wa bundi ino Charles Mwai akiuga mitaratara ya guthuka mieke iiganaine hari mawira hari nduriri kaunti-ini yumanite na gukorwo kaunti ino ni imwe ya iria ikoragwo na mutuikanio wa nduriri bururi-ini, undu monete ta bundei gutigirira niwahimbiririo mawira-ini ma kaunti.
