GORMAHIA GUKANDIKWO FAINI YA CIRINGI 1.9M NA MUKANA WA KWAGA GUTHAKIRA MOI ITERNATIONAL SPORTS STADIUM.

Njorua cia kabira ka ligi nene ya kenya kpl gormahia, na aria nio njorua ndeteri a ligi ino nimakandikiitwo faini ya kimanjika gia ciringi mirioni 1.9, na oho makagathikwo mukaana wa kwaga gututhuranira kiharoini kia moi international sports centre kasarani, kurumirira gicanjama na mitugo itari miagiriru iria mashabiki ao monanirie weekend hituku, hindi ya ngumuthurano gatagati kaon a timu ya murang’a seal. Endi kabira aya a goalmahia, kurerikana nimathukangirie indo cia kiharo giki ta iti na indo ingi nyingi, undu uria riu kiama kia mathako bururiini nikio sports kenya kiugiite nonginya marute faini iyo niguo kumateithiriria guthondeka indo icio.Oho njorua ici ndeteri cia ligi ino kogalo, maathitwo maneyane mutaratara wa uria magukorwo magitwarithia mashabiki ao, na uria marinyitanagira nao, na kwaga uguo nginya o magirio gukorwo makiingira kuria nguthi ici cia kabira ciratuthuranira. Kuumana na uu, ngarangano ya kiurata gatagati wa kogalo na azam fc ya kuuma Tanzania iria irari ituthuranwo weekend ino niyambiite kugathikwo koji, na matikwamba kumituthurana ta uria kurari hau kabere ati nimakarimanira kiharoini kia kasarani std.