THIRIKARI KUHIURIA RUCAMIO RWA UNGUMANIA
Written by Kayu Digital Team on November 16, 2023
- NAIROBI & ENVIRONS 91.0 | MT KENYA REGION 91.1FM
Arugamiriri anene 6 a honge cia thirikari, maaabithaa a borithi 67 hamwe na karani umwe ruhonge-ini rwa waki wa barabara cia matura rwa KeRRA nimarugamio wira iguru ria gwikuirwo gukorwo makuruhanite na ungumania utungata-ini wao wa thirikari.
Mutongoria wa utungata wa muingi thirikari-ini Felix Koskei niwe wathanite aya marugamio wira uu ari thutha wa kiria augite ni mendikithia maria makunjuritwo ni kamitii ya kurua na ungumania bururi, ma aya marugamio wira thirikari-ini kuona mari iguru ria uthuthuria hari ciiko itiganite cia ungumania.
Hari aya marugamitio honge cia thirikari ni hamwe na Eng Fredrick Mwamati kuuma Tanathi Water Works Development Agency, Stephen Ogenga kuuma Nationa Industrial Training Authority, Stanvas Ong’alo kuuma Mational Meseums of Kenya, Benjamni Kai Chilumo kuuma Huduma Centre, Peter Gitaa Koria kuuma Bomas of Kenya aya othe mari arugamiriri anene a honge ici cia thirikari.
Makiria ma aya ni Eng Anthony Wamukota kuuma KETRACO hamwe na mutari mathabu wa ruhonge rwa KeRRA Esther Wanjiru Chege, Koskei marua make akiuga EACC yuritie maikare kerheri niguo kuhuthia uthuthuria umegie thirikari-ini.
