MWIKUIRWO MUNENE WA UICI WA MAHIU GUIKIO NGONO
Written by Kayu Digital Team on November 16, 2023
- NAIROBI & ENVIRONS 91.0 | MT KENYA REGION 91.1FM
Mwikuirwo munene wa ciiko cia uici wa mahiu gitaru-ini kia rugongo rwa Rift Valley Lonyangapat Amerinyang’ niakitio ngono ni mbutu cia borithi kaunti-ini ya Baringo.
Kuringana na riboti cia borithi niati mwikuirwo uyu na uria ukoretwo ukihitanwo nake kwa ihinda ria miaka 4 aikitio ngono ari gicigo-ini gia Kapendo, Tiaty kaunti ya Baringo kuria ahithukitio ari na micinga iri muthemba wa AK47 na rithathi 15, kamanda wa borithi wa Baringo Julius Kiragu akiuga uyu ni uhotani munene hariu thirikari gukinyaniria guikia ngono mwikuirwo uyu na uria wirikanite niwe ukoretwo ukinyabara mihang’o ya uici wa mahiu gitaru-ini giki.
Kumana na matacukia maya, muingi ni uthingatitwo ni kaunti komichina wa Baringo Stephen Kutwa uthii nambere na kugayana riboti cia ekuirwo a ngero ici na borithi niguo kuhothia borithi kuhitana kaimana na mikora ino gitaru-ini giki.
