ANDU 52 GUKUA KUMANA NA MBURA YA EL NINO BURURI-INI

Mbura ya El Nino na iria ikoretwo igithandana bururi ni itigite andu 52 makuite riri nao andu 24,415 mathamitio ciikaro-ini ciao.

Hari riboti iria ikunjuritwo ni kiama kia mutharaba mutune, gitaru kia Rift Valley nikio kiri na namba nene ya ikuo cia mbura ino ya muyuiro kuona andu 15 nimakuite, na kurumiriirwo ni gitaru kia Eastern kuria andu 10, North Eastern andu 9, Nyanza andu 6 riri nakuo gitaru-ini kia Western andu 4 makuite kumana na mbura ino.

Makiria ma uu riboti ino ya Red Cross niyonanitie andu 4 nimakuite gatagati ka bururi ,Gicua-ini andu 3 mathinikanitio ni mbura ino riri nakuo Nairobi mundu umwe athetheretio ni mbura ino, ruhonge ruru rukiuga akenya 56,549 nimahutitio ni mbura ino ya El Nino na njira imwe kana iria ingi, kaunti cia Garissa, Tana River na Kilifi ikirikana nicio iri ugwati-ini munene wa mbura ino.