THABARI CIA PRESIDENT RUTO NI IREHE CIRINGI TIRIRIONI 2 BURURI-INI

Riri president William Ruto akoretwo aking’etherwo iguru ria thabari kihiri nja wa bururi, mwaria wa thirikari Isaac Mwaura niateteire thabari iria akoretwo akioha kuuma ayukia matamu ma wathani akiuga ikoretwo na uguni munene hari ngwataniro ya bururi uyu na mabururi mangi.

Akiria umuthi ari ni giikaro giake kia mbere kuuma athukio giturua giki, Mwaura augite thabari cia president ta mutongoria wa thirikari ni ikoragwo na uritu munene ukiringithania na miario ya mabarothi a bururi na thirikari cia ugeni, akiuga kuuma president ayukia wabici na gukunjura thabari cia na nja wa bururi 39, bururi ni ugunikite na ngirimiti itiganite cia muigana wa tiririoni 2.

Hari thogora wa uturo gatagati ka muingi, Mwaura niaoritie akenya magie na ukiriria hari thirikari ya ihinda, akiuga makinya maria matacukitio nimekugarurira mathina maya kwa ihinda ria miaka iri iguka.