RAILA ODINGA KURIA AKENYA MATIKARIHIRE UTUNGATA WA IBANDI
Written by Kayu Digital Team on November 15, 2023
- NAIROBI & ENVIRONS 91.0 | MT KENYA REGION 91.1FM
Riri thirikari irugamitie urutithia wira wa nutithi iria irandurite marihi ma motungata ma thirikari ta ibandi gatagati ka mangi, mung’ethaniro bururi ni uritie akenya matigetikire kuriha motungata ma kuheo ibandi kuri thirikari.
Akiria umuthi ari gicigo-ini kia Westland Nairobi, mutongoria wa mung’ethaniro bururi-ini Raila Odinga niokiriire ikinya riri akiuga mukenya ndagiriirwo kurihio utungata-ini wa kuheo kibandi ni thirikari, undu uria oritie muingi uregane naguo kaimana, akiuga maya ni mamwe ma motungata ma thirikari maria magiriirwo gukunjurwo hatari marihi oro mothe.
Maya mokire riri ningi Odinga nietikirite gukua mahitia ma kuhotwo kwa ngwataniro ya Azimio ithurano-ini cia giturua kia ungabana Nairobi akiuga maya mari mahitia make kuuma oro kiambiriria kugerera kiria augire ni gwitikira wendi wa athiritu ake ngwataniro-ini ya Azimio wa kurekia munyoteri giturua giki hindi iyo Tim Wanyonyi na uguo kuyukia tigiti wa Polycap Igathe na Prof Philip Karoki, akiuga hau niho mbura ya kuhotwo ithurano yamakorereire na gucoka kumang’aura kuuna.
