RAILA; MAHITIA MAKWA NIMO MATUIMIRE NGABANA NAIROBI
Written by Kayu Digital Team on November 15, 2023
- NAIROBI & ENVIRONS 91.0 | MT KENYA REGION 91.1FM
Mutongoria wa ODM Raila Odinga nietikirite gukua mahitia ma kuhotwo kwa ngwataniro ya Azimio ithurano-ini cia giturua kia ungabana Nairobi akiuga maya mari mahitia make kuuma oro kiambiriria.
Akiria umuthi ari gicigo-ini kia bunge kia Westland Nairobi thutha wa gutungana na atongoria a ndini, Odinga niaugire mahitia maria ekire ta mutongoria wa Azimio ithurano-ini hetuku nigwitikira wendi wa athiritu ake ngwataniro-ini ya Azimio wa kurekia munyoteri giturua giki hindi iyo Tim Wanyonyi na uguo kuyukia tigiti wa Polycap Igathe na Prof Philip Karoki, akiuga hau niho mbura ya kuhotwo ithurano yamakorereire na gucoka kumang’aura kuuna.
Miario ino ya Odinga yaya kurehe urugari wa uteti na makiria Nairobi hari ciama aruna mwahu-ini wa Azimio na makiria Jubilee na kiria nikio kiama kiria kiahetwo kanya ga kurugamia ngabana Nairobi unyitaniri na kiria kia Wiper kugerera munini wa muhurani ungabana kaunti-ini ino.
