MIARIO YA UIGUANO WA BURURI GUKOBOBANA RINGI
Written by Kayu Digital Team on November 15, 2023
- NAIROBI & ENVIRONS 91.0 | MT KENYA REGION 91.1FM
Ndugamano iria ithiururukiirie uiguano wa kamitii ya uiguano wa bururi hari thogora wa iguru wa muturire bururi-ini ni icungiririe ukobobani wa wandiki wa riboti ya muthia ya kamitii ino na iria ikoretwo keheri-ini ikiandika riboti ino.
Makiaria umuthi thutha wa kurariria ciikaro cia kamitii ino nginyagia kiumia giguka, Kimani Ichung’wa na Kalonzo Musyoka maugite gukinyithia riu matiri maraiguana iguru rigie anja ya guteithura bururi mathina-ini ma thogora wa iguru wa muturire, magicungiriri gwita minister wa kigina Njuguna Ndung’u gatagatu ga kiumia giguka niguo gwetha kihonia kia ndugamno ino, kuria Azimio irenda magoti ma nyumba na wanduri wa magoti kuri muingi mathengio niguo metikanirie na riboti ya muthia, Kenya Kwanza ikirikana ni irumite kiini ikiregana na mendikithia maya ma kugarurira mbanjeti ya bururi.
Maya magithiaga nambere, mutongoria wa Azimio Raila Odinga niaugite gutiri uiguano ugukinyanira hatari kihonia gia kuguithia mathogora ma indi bururi-ini niguo kwaura akenya murigo wa uturo, mugambo wake ikihurirwo mucumari ni munini wa kiama kia ODM Wycliffe Oparanya na uria uritie Odinga ndakahure riboti iyo kirore tari na kihonia kia mathina maya kuri muingi.
