THIRIKARI GUTEYANIRIA MARIHI MA KUONGERERA MOTUNGATA MAYO
Written by Kayu Digital Team on November 14, 2023
- NAIROBI & ENVIRONS 91.0 | MT KENYA REGION 91.1FM
Thutha wa muingi gukirira thirikari iguru ria marihi meru ma motungata mao, minister wa ugitiri wa bururi Kithure Kindiki niateyanirie marihi maya na maria aracabithitie ma motungata ta ibandi, certifates cia ihiko, passport gatagati ka marihi mangi niguo kuheana mweke wa ukuruhania wa mawoni ma muingi.
Onakuri uguo kuri ndumiriri yake, minister Kindiki augite ministry yake ni igaruriire marihi maya, kuria kwa muhiano hari marihi ma ibandi njeru muingi uria utari na uhoti urikoragwo ukirihirwo ni thirikari, akionekana gutetetera marihi maya meru namaria augite nimegucabithio na muthia matwaro kuri muingi niguo kwariria, hari kiria augite ni kuhe thirikari mweke wa kurogota magoti makiria na muthia kurugamirira banjeti yao.
Kumana na uu, riu ruhonge rwa uthami na ruriria ruri na unyabari ma motungata maria marahutitio hari marihi maya meru, nirwathititwo ni minister Kindiki rwambiririe ciungano cia kurogota mawoni ma muingi iguru ria marihi maya meru, na iria thirikari yugite ciagiriirwo gukorwo itirihitwo mbere ya tareki 10 mweri uguka wa Dithemba, niguo kuhe thirikari mweke wa kwaruka marihi meru ma motungata maya tareki 1 mweri wa Njanuari mwaka wa 2024.
Mwerekera uyu mweru wa thirikari ukite thutha wa igoti kurugamia urutithia wira wa nutithi ya kuongerera marihi ma motungata mao, uu ari thutha wa ciira kwaikwo igoti-ini wa gutetia ikinya riri.
