ONJORIA ARIA MAKORAGWO NA MAWATHE KURURUNGANA NAIROBI

Senator wa guthikio wa kiama kia ODM Cystal Asige niokiriire ngabana wa kaunti ya Nairobi Johnson Sakaja iguru ria ikinya riake ria kuagagia onjoria aria makoragwo na mawathe gatagati ka mucii wa Nairobi.

Akiaria umuthi thutha wa kunyitanira na onjoria aya mirurungano-ini yao na iria yuma ya kuneana mateta mao kuri bunge ya Senate hamwe na iria ya kaunti ya Nairobi iguru ria kunyarirwo kwao ni thirikari ya kaunti, Asige na uria ukoragwo na wathe wa kuona nioritie ngabana Sakaja agarurire watho wake wa kugiria onjoria aya kuruta biacara ciao mbere ya thaa ikumi cia hwai-ini akiuga ino ni njira imwe ya kumagiria wira wao kaimana kumana na ihinda inene riria moyaga kuhingura mawira mao.
Murugamo uyu wa Senator uyu ukire riri onjoria aya meraniire kurokaga nja wa wabici cia ngabana Sakaja oro muthenya nginyagia etikire kumathikiriria iguru ria makaya mao, kuria marenda mathii nambere na kuruta biacara oro ta mutugo, makiuga watho uyu ni ukumaima umatho wao wa oro muthenya, kuona kuringana nao matingohota kuhingura mawira mao thaa ikumi cia hwai-ini kuona aingi ao makoragwo makiambiriria kuhinga niguo mahunduke ciikaro-ini ciao.