MBEU NJITHI KUHANDA, MOWLEM NAIROBI.

Ari ta njîra ya guthairira maria maturigici-irie Nairobi, mbeu njithi kuuma ward-ini ya Mowlem, Embakasi West, Nairobi nimanyitanire mutaratara wa ûhandi wa mîtî nja wa thoko ya Kangundo Market, kuria mathingatite thirikari nene hamwe na îrîa ya kaunti ciikirire makîria hari gukuruhania mbeu njithi aria matari mawira mutaratara uyu wa ûhandi wa mîtî mahinda mothe niguo gutigitira nimabacirira maria maturigici-irie kaunti-ini ya Nairobi.

Makîaria thutha wa kunyitanira mutaratara wa ûhandi wa mîtî ward-ini îno ya Mowlem, mbeu njithi aya oro ho nimoritie kambuni irîa irî Ward-ini îno na îrîa na njîra imwe kana ingî ikoretwo ikinyita itemi kunjuga riera, ciitikire kunyitanira nao hari mutaratara wa ûhandi wa mîtî, niguo gutigitira nimahitana na unyaguku wa riera riunjuguku kurî muingi.

Maya mokire rîrî nake MCA wa ward îno Martin Waithaka Wairobi ahinyiririe mutaratara wa ûhandi wa mîtî na makiria ward-ini ukoragwo uri undu wa mutugo hari aikari, mworoto akiuga ni kuenda kugarurira riera ria itura rîrî, kuria ningi atugiritie mbeu njithi, ahunjia, athuri a itura hamwe na atongoria a wathani wa matura kumana na unyitaniri uria makoretwo naguo hari mutaratara wa uhandi wa mîtî ward-ini îno ya Mowlem.