COKAI KAHUA-INI, KWONA MAUNDU MARORETE KUNYOROKA”, ARIMI KURIO

Minista wa thothaiti na biacara nini bururi-ini Simon Chelugui nioritie arimi a kahua kuma kaunti ya Murang’a gwitikira gucoka migunda-ini yao na kurima kahua amu kwina mwihoko hari thuguri ini ya kahua.

Chelugui aikitie mugambo uyu ari kaunti ini ya Murang’a agitongoria mihang’o ya uhandi wa miti kaunti ini, kuria augite thirikari nene nikunyitanira na thirikari ya kaunti ya Murang’a hari kuhe arimi mbeca cia thairira hari urimi wa iria akiuga kwina thoko ya iria, kuria ningi oritie muingi kuingirania na sacco akimerira gutiri mbeca ciao cigukorwo cikiura.