THIRIKARI GWIKIRIRA HARI KWAGIRITHIA URIGITANI

Thirikari ya Kenya Kwanza niyambikite makinya marumu magutigirira nimagacirithia urigiti wa mirimu ngurani guku bururi-ini.

Minister wa ugima wa mwiri Susan Nakhumincha niwe ugite uu, agitariria thirikari ikiriire guthaitira kugwatwo na gutherema kwa mirimu ari ta njira imwe ya gutigirira akenya mari na ugima mwega wa mwiri na oho kunyihia namba ya arwaru guothe bururi-ini, minister uyu akiaria uu hindi ya igongona ria kuhumbwo thumbi kwa manathi 51 thibitari-ini wa KU Refarral.
Maya mokite riri nake muikariri giti wa board ya thibitari wa KU Prof Olive Mugenda, augite thibitari uyu uri muhari-ini wa mbere kuheana motungata matiganite o undu umwe na kugacirithia mathomo ma kiriu ma urigitani, kuona uri na machine cia kiriu cia kurigita mirimu itiganite ta Cancer mithemba ngurani.