MOGARURUKU MA WATHO WA WENDIA WA CUMA NGURU.
Written by Kayu Digital Team on November 11, 2023
- NAIROBI & ENVIRONS 91.0 | MT KENYA REGION 91.1FM
Andu aria makoretwo magithukia ona kungi kuiya cuma cia barabara, daraca, reli, thitima gatagati ga ka ingi cia thirikari maya gwikora handu haceke makiria hari marihi ma uthukangia wa indo cia muingi wona mbunge ya bururi yayukia mogaruruku ma watho uria uri mbere yao.
Hari mutaratara wa watho na uria utemanitio bunge-ini ya bururi ni mutongoria wa aria aingi bunge Kimani Ichung’wa na guthomwo ikereka ria mbere, aria marinyitikanaga na mahitia maya marikoragwo kigeri-ini gia gutungata njera miaka 7 kana kuriha baini ya ciringi mirioni 20.
Mutaratara uyu na uria urongoreirie gutabania mogaruruku hari uria wa mwaka wa 2015 wa wendia wa cuma nguru, oho ni urakunjura mogaruruku kuri aria maguraga cuma nguru, kuria ministry ya iganda nao irenda muhera wa aria maguraga cuma nguru marega kuiga records cia aria maguragira cuma ici wongererwo hari baini kuuma ciringi mirioni 1 nginyagia mirioni 5 kuri aria mari ihitia-ini riri rita ria mbere, kuria hari aria mananyitikana na mahitia maya maita maingi nao marongoreirio kuongererwo baini ino kuuma mirioni 5 nginyagia mirioni 10.
Thengia wa uu, mutaratara uyu no ugathikite baini nduru hari aria mari na marua ma kugura Cuma nguru, kuona ni riu aria magura Cuma nja wa mathaa maria mathiriirwo kiwatho oro kana kugura kuuma kuri mundu uri thi wa miaka 18, ari ugwati-ini wa kuhurwo baini ya ciringi mirioni 5, kuuma baini ya ciringi mirioni 1 iria maratungagio nahau kabere.
