Raila niateteire mirurungano ya Azimio ya gutetia magoti meeru

Riri muingi wa bururi ukoretwo uking’ethera thirikari iguru ria thogora wa iguru wa utuuro, mutongoria wa mung’ethaniro bururi-ini Raila Odinga niakuruhanitie mathina maria mari bururi-ini na ugathikania wa magoti meeru kuri muingi na oho wagi wa umenyo hari andu amwe aria maratungata thirikari hari guthingicura mathina maria mahutitie muingi.

Akiria thutha wa gutungana na arutwo a mathukuru matiganite ma university bururi-ini muthenya, Odinga oro ho niarateteire na njira mirurungano ya Azimio ya gutetia magoti meeru kuri muingi, akiuga aria  mang’ethanagira na mirurungano ino na makiria makiuga ni iragagia biacara ciao hindi iyo, riu nio maramucaria makimuria kuria athire niguo anyitanire nao gutetia thirikari, undu uria augite nionete ugwati uria wari mbere kumana na makinya ma thirikari ma kuhagika magoti meeru kuri muingi bururi-ini hindi iyo.