Kwina mwihoko wa kwarahuka kwa urimi wa kahua guku bururiini

Riri aguri kahua kuuma mabururi ma nanja makoretwo bururi-ini, na makiria kwambika icera thoithaiti-ini itiganite, ikinya riri nirirehete mwihoko munene wa kwarahuka kwa urimi uyu na makiria umuthio uria umanaga naguo.

Kuringana na Timothy Mirigu kuuma KPCU na uria waritie thutha wa aguri aya gucera kiginda makumbi ma kahua ma KPCU maria makoragwo tauni-ini ya Sagana, niati icera riri niriarahurite mwihoko kuri arimi, na makiria kumana na witikiriku wa kahua thoko cia nja wa Kenya.