THIRIKARI YA KENYA UGANDA NA TANZANIA KUNYITIA MEHARIRIRIA MA AFCON 2027 THING’A

Thirikari ya kenya, uganda na Tanzania iria ciratabania ngarangano cia gitaru kia Africa cia afcon mwaka wa 2027,kwa hamwe nicinyitithiitie mehaririria maya thing’a, na mworoto wa gugatabania ngarangano iria njagiriru muno cianahanika gitaruini giki kia Africa. Kuumana na uu, aria magukorwo makirugamirira manururi maya hari mibango ino, nimacemanitie mwena wa diani Beach kauntiini ya kwale, kuria maambite kambi niguo kurung’a maundu meri matatu. Mamwe ma maundu maria marariririo mwena uyu, nigutigirira nikwamenyekana iharo iria o bururi urutite ciagugatungatirwo hindi iyo, kuria kenya yugiite Talanta hela std nikio kiharo kiria gikahuthiragwo muno, onagutuika iharo ici ingi nicirathondekwo kuona onacio nonginya cikahuthika. Kuringana na murugamiriri munene wa kiama kiria kiramataga maundu ma kabira ka maguru guku bururiini Barry Otieno, micemanio iria irathii nambere ni ya gutigirira onathengia wao gukorwo mari thi utabaniaini uyu wa ngumuthurano ici gukiringithanio na mabururi maria mangi, makionganirira maahinya mari atatu, magutigirira nimatabania ngucanio cia kirathi kia iguru makiria. Ongereire kuuga O gucemania tene nigukumahe kanya ga guibanga wega uria kungihotekeka. Mangi ma maundu maria marariririo ni ugitiri, na njira cia kumenyithania ndeto cia ngumuthirano ici gatagati ka mangi. Minista wa mathako Ababu Namwamba eraniire ati gugikinyithia mwaka wa 2025,kenya niigukorwo ikinyaniirie mehaririria mao, undu umwe na gutigirira uthondeki wa iharo niwarikirira uria kwagiriire. Mwena wa uganda Rodgers Bwamukama uria ni umwe wa arugamiriri a kiama kiria kiramataga maundu ma kabira bururiini ucio FUFA, augiite thirikari ya uganda niikiite ouria ingihota, gutigirira maundu maria marabatarikana nimakinyanira mbere ya ihinda riria riagiriire.