MURUTWO WA KCSE KURINGIKA NA GUKUA, MOLO.
Written by Kayu Digital Team on November 9, 2023
- NAIROBI & ENVIRONS 91.0 | MT KENYA REGION 91.1FM
Igeranio cia kibururi hari arutwo a Form Four igithii nambere bururi-ini, murutwo umwe na uria uma mutaratara-ini wa igeranio ici niaringikire na thutha-ini gucoka gukua.
Kuringana na abithaa wa githomo kaunti-ini ya Naikuru, niati murutwo uyu na uria urathomagira thukuru-ini wa Njenga Karume, Molo ambiririe kuuga ndekuiguaga wega, na thutha-ini acoka kuhanyukio thibitari-ini wa Molo Sub County na kuria aniri-irwo gukorwo akuite thutha wa gukinyio thibitari-ini uyu.
Mwiri wa mutigairi riu uri riigiro-ini ria akuu ria thibitari uyu wa Molo, riri maabitha a githomo unyitaniri na aria a utuiria mambikire icera thukuru-ini uyu niguo gutuirania na giko giki.
Maya mokire mathaa Manini tu thutha wa murutwo ungi na uria onake uraikaragira kigeranio oro giki gia KCSE thukuru-ini wa Mangweti, gicigo-ini kia Yatta kaunti-ini ya Machakos muthenya wa ira nake araringikire na gucoka gukua thutha-ini.
