MAUMIRIRA MA MBITIKA CIA MAUMIRIRA MA MBITIKA CIA UEFA CHAMPION LEAGUE
Written by Kayu Digital Team on November 8, 2023
- NAIROBI & ENVIRONS 91.0 | MT KENYA REGION 91.1FM
Matanya ma mbutu ya Newcastle United gwithecera gacumbiri-ini ka ngurubu ya F mbitika-ini cia UEFA Champions League nimarakobobanire hwai wa ira uu ari thutha wa imwana ici kumbuthurwo na mbao 2-0 mari kiharo-ini kia ugenini, undu uria uracitigire iri mutiru hari ngurubu ino na point 4 thutha wa ngumuthurano 3.
Mangi ma maumirira utuku wa ira niati imwana cia Barcelona irahihirwo na mbao 1-0 ni imwana cia Shakhtar Donetsk, riri imwana cia Pep Guadiola nicio Mancester City irahimbitire Young Boys na mbao 3-0, gaturu ka mbitika cia ira gagikunjurwo kiharo-ini kia Metropolitan Stadium, mucii-ini wa Madrid kuria Atletico Madrid irahimbitire imwana cia Celtic na mbao 6-0, imwana ici cia Celtic ikirikia kagi gaka iri na ukunderu wa muthaki umwe thutha wa Daizen Maeda kuheo kandi ndune dagika-ini ya 23.
Hari himbitano cia umuthi utuku, Real Sociedad ikunyita ugeni Benifica, Napoli inyite ugeni Union Berlin, mbitika ici cieri igithakwo thaa 20;45 riri nao FC Copenhagen itanyitwo kung’ethanira na imwana cia Manchester United, Beyern Munich inyite ugeni Galatasaray, Imwana cia Mikael Arteta nicio Arsenal ikinyita ugeni Sevilla riri Real Madrid igukorwo ikinyita ugeni Braga, RB Salzburg inyite ugeni mbutu ya Inter Milan riri nao PSV igukorwo ikinyita ugeni Lens, mbitika ici na ingi igitanywo guthakwo thaa itano cia utuku wa umuthi.
