SHABANA FC KUMINJIA NJA MUNOORI WAO SAMMY OKOTH

Kirabu gia shabana fc muthia nigiikirite tahini kuminjia nja munoori wa imwana ici Sammy okoth, undu umwe na munoori wa arangiri a karango kirabu giki Collins oduor.Shabana aria mananagio ta the glamour boys muthenya wa umuthi nimanirira Oscar kombana ta munoori mweru, na uria ugukorwo agitungata ta munyitiriri wa ihinda, kamuira magwibanga.Uu ukiite kurumirira maumirira mooru maria kirabu giki githiite nambere kurekereria, kuona kwa ihinda riri nio mating’uritie hari ligi nene ya kenya fkfpl.Undu uyu uhanikiite thiku imwe tu, thutha wa imwana cia shabana gutarikio mbao 2-1 ni timu ya bandari fc,aria maramanyitite ugeni kiharoini kia Mbarak stadium mwena wa Mombasa, ngimithurano iria irari ya 5 kwanurwo hari ngimithgurano 10 iria matuthuranite.Onathengia wa okoth gukorwo ateithiriirie kirabu giki kunina nyota wa miaka 17 matari ma cama uria ligi nene ya kenya icamaga,riu atigiitwo Atari na wiki kuona onake mwene niakoretwo agiikiria kirabu giki moko kuuma mweri wa kenda, undu uria urugamiriri wa kirabu giki ukoretwo ukiregana naguo makiuga o mationete kana guitikira marua make ma gutiga wira,no umuthi mekira ndeto ino mukonde, makiuga nimaramendithiria mawega kuria magukorwo magitungata thutha uyu.Tugitigana na icio niati, mitangiko na mathina ma njorua cia kabira ka maguru guku bururiini gormahia,maria makoretwo magitungana namo hindi iria marabatara kumagara riu nimakinyite muthia. Uu ni thutha wa minista wa ict Eliud owalo kumatuga na bathi ya muigana wa ciringi mirioni 20, iria irikuwaga athii 42, na iria ikarugurio na kuneyanwo muthenya wa jumamothi kiharoini kia Moi international sports centre kasarani.Mbathi ino ikaneyanwo hindi ya ngimithurano gatagati ga timu ino ya kogalo na murang’a seal, na aria manyitaniire namba 2 mena pointi 20 kuumana na ngumuthurano 10 iria matungatite.Muikariri giti wa gormahia Ambrose rachier niarutite mukaana munene kuri aria matahaga indo nio auctionears, akimakania matikagerie gutaha mbathi ino yao makihuthirwo ni athaki aria mari na maciira igotiini na kirabu giki.
Muthia ngarangano cia uefa champions league umuthi nociguthii nambere, kuria ciehanda thaa 20:45 cia utuku real sociedad makurimana na timu ya benfica ta kwaga bata,napoli na union berlin makimithurane mathaini omacio, nacio ngarangano icio ingi cibirabiranwo thaa 23:00 cia utuku.Manchester utd makurimana na copenhagen,RB Sulzburg makimithurane na intermillan.kuria nao bayern makueheraniria wuirano na galatasary, arsenal aka the gunners makuhibitana na sevilla,psv maamburane na lens na muthia real madrid matuthurane na braga.