MATHOGORA MA BETURU GUKIRUKA CIRINGI 300 KIUMIA GIGUKA
Written by Kayu Digital Team on November 6, 2023
- NAIROBI & ENVIRONS 91.0 | MT KENYA REGION 91.1FM
“Mwihaririei kwinyitia muthiori wa mathina ona makiria kuuma kiumia giguka ta muingi wa bururi kuona mathogora ma beturu maya gukiruka ciringi 300 hari oro rita imwe”.
Mukana uyu ukunjuritwo ni minister wa mahinya ma kuhuthika Davis Chirchir ari mbere ya kamitii ya urumwe wa bururi, na uria ugite mbara iria iri gatagati ka bururi wa Israel na mbutu ya Hamas gitaru-ini kia Gaza iri na itemi inene hari wambatiru wa mathogora ma maguta thiini wa thi, na uguo kuria muingi ukorwo uri cemba kwamukira mathogora ma iguru ma maguta hari mogaruruku ma mathogora maria matanyitwo gutabanio tareki 14 mweri-ini uyu.
Chirchir ekwaragia maya ari mbere ya kamitii ino rungu rwa Kalonzo Musyoka na Kimani Ichung’wa hari wariria wa ndereti ya thogora wa muturire na uria thirikari ingihitana naguo, akioya kanya ka miario ino na gutetera ngirimiti ya thirikari na thirikari iria cienjaga maguta, akiuga tiga nicio ihinda riri Kenya ingiri haceke hari mathogora ma iguru ma maguta na maria augite kwa ihinda riri marahutia mabururi mangi ma Africa ya Irathiro.
