ARUTI WIRA 2 A KAMBUNI YA URANGIRI GWITHARA NA 94.9M

Aruti wira eri a kambuni imwe ya urangiri kiumbe ya Wells Fargo bururi-ini nimorite ni kimanjika gia ciringi mirioni 94.9 na iria mauma matware bengi-ini imwe guku Nairobi.

Kuringana na riboti cia borithi niati eri aya aria makurikanite ta Anthony Ndiuki na Charles Mugetha maumire wabici-ini cia kambuni ya nduka ino ya wendia wa indo cia hamwe ya Quickmart mwena wa South C, Nairobi thaa 8:30 cia ruci-ini rwa umuthi na mbeca ici mari ngari ya kambuni ino kuria mauma macitware bengi-ini ya Family Bank ruhonge-ini rwa Kenyatta Avenue Nairobi no matigana gukinyia mbeca ici.

Thutha wa uthuria wa aya kwa ihinda kuuma kuri borithi, ngari iria yuma na mbeca cia wendi wa nduka ici hari wikendi iria irahetukire icokire kuhithukio itiganirio handu hakurikanite ta Dafam, mwena wa South C itari mbeca oro kana aria mauma nao mathaa-ini ma kiroko, DCIO wa Lang’ata akiuga ihinda-ini riri nimaratuirania na kuria aria mauma na mbeca ici mangikorwo mathire.