ANDU 6 GUIKIO NGONO MAGITAMBIA IGERANIO CIA MAHENI

Igeranio cia kibururi hari arutwo a kirathi kia Form Four nicio KCSE ikiarukwo umuthi hari arutwo ngiri 903,260, ekuirwo 6 nimarikitie guikio ngono makigiritanio na uhehania wa igeranio ici rurenda-ini rwa Telegram.

Kuringana na ndumiriri ya ruhonge rwa DCI niati atandatu aya na aria mari gatagati ka miaka 19 nginyagia 24 nimarikitie gukinyio igoti-ini na guthitangwo na mahitia ma gucabithia igeranio cia maheni ngurubu-ini cia rurenda rwao rwa Telegram na iria iri na makiri ma arutwo na aciari, DCI ikioya kanya gaka kuruta mukana kuri mbeu njithi aria maregiritania na ciiko ici nimekuhitana kaiamana.

Maya mokire riri mwandiki munene wa ministry ya githomo Belio Kipsang na murugamiriri munene wa kanju ya igeranio KNEC David Njegere makinyiririe wirutiri wa thirikari kuhitana na mihang’o oro yothe ya uici wa igeranio, makiuga ugitiri wa igeranio ici nduri nan ganja ona hanini.