Andu makiria ma 7,000 matigitwo matari uikaro thutha wa nyumba ciao guthukangio ni kiguu,Mandera

Riri mbura nene ithiite na mbere na guthandana icigo-ini itiganiite guku bururi-ini , riu aikari makiria ma 7,000 County-ini ya Mandera matigiitwo matari na uikaro thuutha wa nyumba cia guthukangio ni kiguu. Aikari no hathara maratara kuona indo ciao ciothe kuuma mahiu na indo ingi nirikiitie guthukangio.
Riu thirikari ya County ino hamwe na ruhonge rwa Red Cross  magitabania mihango ya kuhonokia aria mari kuria kwarahiite muno undu umwe na kumahe indo ta miringiti na irio.