THIMU CIA UICI 417 KUHITHUKIO, GATITU NYERI
Written by Kayu Digital Team on November 4, 2023
- NAIROBI & ENVIRONS 91.0 | MT KENYA REGION 91.1FM
Ekuirwo atatu a uici wa thimu cia moko nimaikitio ngono kaunti-ini Nyeri, uu ari thutha wa thimu cia moko 417, Tv igiri, laptops ithatu, camera igiri gatagati ka indo kuhithukio.
Umburania wa uici uyu wa thimu ugunduritwo thutha wa ekuirwo eri a kugutha thimu cia moko tauni-ini ya Gatitu, Nyeri guikio ngono na muthia muthia kwiranira kuria matwaraga thimu ici ari ni nduka-ini imwe tauni-ini ya Gatitu, Nyeri na kuria thimu ici cia uici 417 irakorirwo ikihithukio gatagati ka indo ingi nduka-ini ya mundu wa guthondeka thimu cia moko.
Kumana na uhithukia wa rurenda ruru rwa uici wa thimu kaunti-ini ino, maabithaa a borithi nimaugite marikiriria uthuthuria nimegukinyia aya igoti-ini, kuria maya kugumirwo ni thitango cia uici wa kiahinya gatagati ka ingi wona uthuthuria warikirira.
