Thibitari itiganiite iri kabiru-ini thuutha wa ikuu cikuruhaniitio na waagi wa kihariro

Ciiko cia arwaru gukuira thibitari-ini na njira ciina kiriga na kuria kaingi gukoretwo gukurikana ciiko ici iraumana na kwaga kihariro kwa arigitani amwe no ithiite na mbere na kwiyumiria na kuria riu
Bamiri imwe County-ini ya Machakos maretha kihooto kia mwana wao wa miaka 6 na uria urakuire na njira ina kiriga hindi ya kwamukira urigiti thibitari-ini wa Machakos Level 5. Aciari a mwana uyu maugiite mwana wao arakoretwo ward-ini ya ICU kwa ihinda ria thiku 6 na thuutha ucio arakua na njira ina kiriga ari ward-ini ya theatre. Kwirikaniite mwana uyu akuiite ni undu wa kwaga kihariro kwa arigitani thibitari-ini uyu kuona nimarabiite kuhithirira gikuu kia mwana uyu.
Indi urugamiriri wa thibitari uyu niureganiite na ati kuraria na waagi wa kihariro, indi makauga uthuthuria wa kiria kingikorwo kirahanikire niurikiitie kwambikwo.

Giiko giki gikiingira ithabu-ini ria ciiko cia arwaru gukuira thibitari-ini na njira ina kiriga kuona nakuo County-ini ya Kiambu bamiri imwe iracakaya gikuu kia umwe wao na uria wakuiriire thibitari-ini wa Ruiru Level 4 hindi ya kuheo mwana , gikuu kiria onakio gikuruhaniitio na waagi wa kihariro gatagati-ini ka arigitani thibitari-ini uyu na kuria onakuo urugamiriri wa thibitari ugiite niurikiitie kwambika mihango ya utuiria.