MUINGI KURURUNGANA UKIENDA BORITHI MATHAMIO
Written by Kayu Digital Team on November 3, 2023
- NAIROBI & ENVIRONS 91.0 | MT KENYA REGION 91.1FM
Ni gutumukire gicanjama itura-ini ria Kebirigo, kaunti-ini ya Nyamira umuthi uu ari thutha wa muingi itura-ini riri kuhithukira ceceni ya borithi mwena uyu makienda maabithaa a borithi thiini wao mathamio.
Kuringana na muingi uyu na uria ukuiyuriri-irwo ni matukua, urenda maabithaa aya othe a borithi ceceni-ini ino mathamio kuuna nikiria maugite ni kuremwo ni wira na makiria wa kugacirithia ugitiri, makiuga ona mundu angihura riboti ceceni-ini ino ndateithagio ni maabithaa aya.
Makiria ma uu, nimaugite maabithaa amwe a aya makoragwo mahindite njohi kuuma oro mathaa ma ruci-ini na uguo kurituhia uteithio oro wothe wa kugacirithia ugitiri mwena uyu, riri angi morotetwo iguru ria witia wa mahaki kuuma kuri muingi niguo mamateithie riria mathii kuhura riboti, riu aikari makihoya aya mathamio kuuna kuuma ceceni ino ya borithi nikiria maugite nikwaga uteithio kuri oo.
