MUICI KUBUNJA NA KUIYA CIRINGI MIRIONI NDUKA-INI, ISINYA
Written by Kayu Digital Team on November 3, 2023
- NAIROBI & ENVIRONS 91.0 | MT KENYA REGION 91.1FM
Maabithaa a borithi kuuma itura ria Isinya, Kajiado nimambikite utuiria wa kuhithurania mundu urari ekunukite na mask uthiu-ini wake na uria uraingirire nduka imwe ya wendia wa indo cia hamwe na kuiya ciringi mirioni imwe hwa-ini wa ira.
Hari mukwa wa video ya CCTV, muici uyu aronekana mathaa-ini ma thaa kenda cia kiroko akibokera mbeca nduka-ini ino na iria ikurikanaga ta ‘14 Billionaires Wholesale’ na iria iri hakuhi na ceceni ya borithi ya Isinya, akigia kanya ga kuingira nduka-ini kugerera urengi wa mabati mao.
Kumana na giko mwene nduka ino na uria ukurikanite ta Solomon Kuria augite giki ni giko gia gatatu kia uici nduka-ini ino yake mwaka-ini uyu, akiorota maabithaa a borithi iguru ria kiria augite ni uhaguku wa ugitiri, kamanda wa borithi wa Isinya Patrick Manyasi akiuga nimarukite utuiria wa guthuthuria na giko giki.
