Kambuni ya utungata wa thimu cia moko ya Airtel ni iguithitie marihi ma utambia wa mbeca laiinini nginyagia bengiini

Ari ta njira ya kunyitirira utungata wa utambia wa mbeca kuuma line-ini cia thimu moko nginyagia bengi-ini, kambuni ya utungata wa thimu cia moko ya Airtel ni icuruhurite marihi maria maumanaga na utungata uyu.

Kuringana na murugamiriri munene wa kambuni ino ya Airtel bururi-ini Anne Kinuthia Otieno niati makinyanirie matua ma kurenga marihi maya niguo kuhotithia andu aingi kugia na mwanya wa gutambia mbeca ciao kuuma line-ini cia thimu cia moko nginyagia bengi-ini hatari na moritu manene ma kibeca. Makairia ma uu kambuni ino ni ikinyiririe utungata wao wa kurora bill cia utungata ta thitima hari aria mari na line ya Airtel uguthii nambere gukorwo uri wa tuhu.