SENATE KUHE NGABANA KAWIRA GIATHI GIA KIUMIA GIGUKA
Written by Kayu Digital Team on November 2, 2023
- NAIROBI & ENVIRONS 91.0 | MT KENYA REGION 91.1FM
Bunge ya Senate ni igathikite tareki 7 na 8 ari ni muthenya wa keri na gatatu kiumia giguka tacio thiku igiri iria igathikiriria na gukinyaniria matua ma kuhagura kana kunyitirira ngabana wa Meru Kawira Mwangaza.
Hari mutaratara uria watemanio ciikaro-ini cia bunge ya Senate miaraho ya umuthi ni mutongoria wa aria aingi bunge-ini ino Aaron Cheruiyot na kunyitirwo ni mutongoria wa anini Steward Madzayo, bunge ino na mugambo umwe niyanyitira mutaratara uyu kuria riu bunge ya kaunti hamwe na aira ao na ngabana Kawira Mwangaza na aira ake matanyitwo gwitetera mbere ya giikaro kia bunge yothe thiku ici cieri uu ari thutha wa bunge ino kuregana na gacira ga guthikiriria ngabana uyu hamwe na bunge ya Meru kugerera kamitii ya amemba 11 ta uria urari wendi wa amwe a Senators.
Ngabana Kawira Mwangaza ahagurirwo kiumia kihetuku ni MCAs 59 handu-ini ha MCAs 69 a bunge ino ya kaunti ya Meru, kuria riu ari na mweke wa muthia wa gwitetera na kuona kana niekugarurira matua maya ta mwaka muhetuku kuria ahaguritwo ni MCAs 68 handu-ini ha MCAs 69 no agicoka kunyitirwo ni bunge ya Senate na iria yagaruriire wendi wa MCAs a bunge ino.
