Ekuirwo eri a unyitani migwate kunyitwo Kitengela, kuria mekunyite migwate arutwo eri a university.
Written by Kayu Digital Team on November 2, 2023
- NAIROBI & ENVIRONS 91.0 | MT KENYA REGION 91.1FM
Maabithaa a uthuthuria wa kinyi DCI nimaikitie ngono ekuirwo eri aria maranyitite migwate arutwo eri a university na gucoka kumatwara nginyagia tauni-ini ya Kitengela, Kajiado.
Eri aya aria ni Brian Ombasa Omoso wa ukuru wa miaka 25 na Humprey Hinga wa ukuru wa miaka 22 marerikana manyitire migwate eri aya tareki 27 mweri muhetuku, kuhetukira mwikuirwo munene na uria wirikanite gukorwo ari muiritu uria DCI yugite niwe ukoretwo ukihenereria andu na gucoka kumaneana kuri eri aya na muthia kwambika mutaratara wa gutia mbeca kuri bamiri niguo marekererie aria manyitite.
Hari arutwo aya eri bamiri ciao ciugite iretagio ciringi mirioni 6 niguo marekererio, kuria thutha wa kunyitanira na DCI marikitie kuhithukia aya Nyumba-ini imwe ya ageni tauni-ini ya Kitengela na guikia ngono ekuirwo aya eri hamwe na namba cia maheni cia ngari, micinga ya maheni, tuhiu na line cia thimu, mwikuirwo munene akirikana niarikitie gwithara.
Hindi ya uhonokania uyu, maabithaa a borithi mauma na ihinda iritu kugitira aya kuma kuri muingi uma na mathuguta na uria ukuendaga kuhurahura aya.
