Ngabana wa Meru Kawira Mwangaza guikora haceke makiria
Written by Kayu Digital Team on November 1, 2023
- NAIROBI & ENVIRONS 91.0 | MT KENYA REGION 91.1FM
Bunge ya senate ni icagurite gacira ga guthikiriria mutaratara wa kuhagura ngabana Kawira Mwangaza ta ngabana wa kaunti ya Meru rita ria keri kugerera giikaro kia hamwe kia bunge ino.
Hari ndereti ya kwaririria njira iria bunge ino yagiriirwo kugerera umuthi, ma-seneta aria aingi maugiite hari bata cikaro ici ithikiririo ni giikaro kia hamwe, na uguo kuagithia kiene kamitii iria igukunjuritwo ya maseneta 11 guthikiriria ngabana uyu na gucoka kuheana mendekithia mao hari mutaratara uyu.
Ngabana Kawira Mwangaza arahagurirwo kiumia kihituku ni MCAs 59 handu-ini ha MCAs 69 a bunge ya kaunti ino, ari ni rita ria keri hari ihinda ria mwaka umwe, kuria riu ekugia na kanya kangi ga gwitetera mbere ya bunge yothe ya senate kiumia giguka, thutha wa bunge gucagura njira ya kumuthikiriria imwe kwa imwe ciikaro cia bunge yothe.
