KQ KWAMBIRIRIA THABARI CIA ORO MUTHENYA NGINYAGIA AMERICA
Written by Kayu Digital Team on October 31, 2023
- NAIROBI & ENVIRONS 91.0 | MT KENYA REGION 91.1FM
Riri kambuni ya ukui wa ndege ya Kenya Airways irakunguira miaka itano kuuma yaruka thabari cia imwe kwa imwe kuuma mucii wa Nairobi nginyagia mucii wa New York, America, kambuni ino niyugite niikwambiriria thabari cia oro muthenya gatagati ka micii ino yeri minene ya mabururi maya meeri kuuma mweri uguka wa dithemba.
Hari ndumiriri kambuni ino yugite thabari cia oro muthenya kuuma Nairobi nginyagia New York ikuhurwo cambi tareki 1 mweri uguka wa dithemba, mworoto murugamiriri munene wa KQ Allan Kilavuka akiuga ni kuoya kanya ka wonjoria wa thabari ya andu na mirigo kuuma gitaru kia Africa ya Irathiro nginyagia America na uria wambatirite matuku ma ica ikuhi.
Kuringana na ndari cia kambuni ino, niati kuuma riria yahurire cambi thabari cia imwe kwa imwe kuuma Kenya nginyagia America tareki 28/10/ 2018, ni ihotete gukua andu 300,000 na oho gukua mirogo tani 6,000.
